Бер китап уҡыусының бенефисы. Фәниә Нәбиуллина

9 ноябрь махсус китапханала “Бер китап уҡыусының бенефисы” циклы рамкаһында йәмғиәт эшмәкәре, һәүәҫкәр шағирә Фәниә Нәбиуллина менән осрашыу буласаҡ.

Фәниә Мәзит ҡыҙы 1941 йылда Салауат районы Татар Малоязы ауылында донъяға килә. Кескәй саҡтан уҡ күҙ ауырыуы менән ыҙалай. Бер-нисә операциянан һуң ғына, яйлап күрә башлай. Һуҡырҙар ойошмаһына эшкә төшә.

Шиғырҙары “Пионер хоҡуғы” гәзитендә баҫылып тора. Күп осраҡта ул үҙе һәм ғаиләһе өсөн яҙа. Бына инде нисә йылдар ул махсус китапхананың әүҙем китап уҡыусыларының береһе. Изге эше һәм йәмғиәт эштәрендә ҡатнашҡаны өсөн Почет грамоталары, “Хеҙмәт ветераны”, “ВОС Отличнигы” һ.б. миҙалдар менән бүләкләнә. 

Ижади осрашыу рамкаһында Фәниә апайҙың “Яҙмышым юлдары” китабының презентацияһы ла буласаҡ. Китап махсус китапхананың тауыш яҙҙырыу студияһында тауышландырылды.