Махсус китапханала инклюзив сәғәт

26 июль М. Х. Төхвәтшин исемендәге һуҡырҙар өсөн Башҡортостан республика махсус китапханаһында балалар өсөн "Йырҙар йырларбыҙ, уйындар уйнарбыҙ" инклюзив сәғәт үтте. Сара барышында йәш уҡыусылар өсөн уйынлы-конкурслы программа алып барылды. 
Балалар күп милләтле республика территорияһында йәшәгән халыҡтарҙың ҡыҫҡаса тарихы, йолалары һәм ғөрөф-ғәҙәттәре менән танышты. Артабан алған белемдәрен викторина һорауҙарына яуап биргәндә, йомаҡтар сискәндә нығытты. Сара аҙағында хәрәкәтле уйындар уйнанылар.