По гранту Главы Республики Башкортостан

По гранту Главы Республики Башкортостан
3 декабрь Халыҡ-ара инвалидтар көнөндә һуҡырҙар өсөн Башҡортостан республика махсус китапханаһы "Тыуған ерҙең күп тауышы: һуҡырҙар өсөн Башҡортостан республикаһы халыҡтары телдәрендә мультителле аудиокитаптар" проектын презентациялай. Проект Башҡортостан республикаһы башлығы грантына иреште.Проекттың төп идеяһы: һуҡыр һәм насар күреүсе ҡулланыусыларҙы Рәсәй халыҡтарының милли мәҙәни байлыҡтарын үҙ эсенә туплаған мәғлүмәт менән тәьмин итеү.
Рәсәй халҡы төрлө этник төркөмдәргә ҡарай, төрлө диндәр тота, әммә был уларға татыу йәшәргә ҡамасауламай. Бер милләттең мәҙәниәте күршеләш йәшәгән икенсе милләткә йоғонто яһай, уны тулыландыра, байыта.
Һуҡырҙар өсөн китапхана һаулығы сикле ҡулланыусылар өсөн кәрәкле мәғлүмәт алыуҙа ярҙам итеүсе, яраҡлаштырылған башҡорт әҙәбиәтен баҫтырыуҙа лидер, һәм, әлбиттә, китап яратыусылар өсөн мәҙәни ял урыны ла булып тора. Китапхана башҡорт телендә аудиокитаптар тауышландыра, Брайль шрифты менән китаптар баҫтыра. Әйткәндәй, тик махсус китапханала ғына һуҡырҙар өсөн махсус форматтарҙа башҡорт телендә төрлө әҙәбиәт баҫыла.
Был проектты тормошҡа ашырыу барышында, республикала йәшәгән төп этник төркөмдәр: төрки төркөмдәр - татарҙар, сыуаштар; славян төркөмдәре - украиндар, белорустар; фин-уғыр төркөмдәре - марийҙар, мордва, удмурттар; балтик төркөм - латыштар тураһында ҡабарынҡы график әсбаптар баҫтырылды. Шулай уҡ, башҡа китапханалар өсөн дә РБ халҡы телдәрендә аудиокитаптар алынды.
Был проект күреү һәләтенән яҙған кешене ҡәҙимге донъяға тағы ла нығыраҡ яҡынайтырға ярҙам итә.
Проекттың презентацияһында ҡабарынҡы график һүрәттәр менән бирелгән бөтә баҫмалар ҙа, "һөйләй торған" аудиокитаптар йыйынтыҡтары ла тәҡдим ителәсәк. Улар, үҙ сиратында, республикаһының 8 база китапханаларына һәм филиалдарға тапшыраласаҡ.
Начало презентации в 11 часов по адресу: Уфа, Кирова, 47. Проезд до остановки транспорта «Витаминный завод».

"Кәмһетелгәндәр" спектакленә тифлокомментарийҙар яҙылды.

Спектакль "Униженные" теперь с тифлокомментариями.
Спектакль "Униженные" теперь с тифлокомментариями.
Өфө Алишер Усмановтың "Сәнғәт, ғилем һәм спорт" шәфҡәтлелек фондының "Үҙенсәлекле ҡараш" программаһын уңышлы рәүештә тормошҡа ашырған 27 төбәктең береһенә инде.
Фондтың грантлы ярҙамы менән китапханала тифлокомментарийҙар яҙҙырыу өсөн ҡоролмалар бар.
30 октябрь махсус китапхананың тифлокомментаторы М. Кәрим исемендәге Милли йәштәр театрында, "Кәмһетелгәндәр" спектакленә тере тифлокомментарий алып барасаҡ. Профессиональ тифлокомментатор реплика араһындағы паузала сәхнәләге хәрәкәтте, декорацияларҙы, артистарҙың костюмдарын, уларҙың кәйефтәрен, хәрәкәттерен тасуирлаясаҡ.
Был социаль хеҙмәтләндереү төбәктәрҙә көндән-көн үҫешә бара. 2019 йылдың аҙағына махсус китапханала "Башҡортостан" киностудияһы менән ике яҡлы килешеү рамкаһында "Тәүге республика", "Өфөнән һөйөү менән", "Оҙон-оҙаҡ бала саҡ" фильмдарына тифлокомментарийҙар яһаласаҡ.
Техник мөмкинлектәр сәбәпле, һуҡырҙар өсөн урындар һаны һәм билеттар сикле. Инеү өсөн махсус китапханала алдан яҙылырға кәрәк.
Зәйнәб Биишева әҫәре буйынса ҡуйылған "Кәмһетелгәндәр" спектакле - кескәй кешенең, революция алды йылдарында булған ауыр замандарҙа үҫеүе, формалашыуы тураһындағы драма. Бәләкәй Емешкә үгәй әсә йортонда еңелдән тура килмәй. Тормош ҡуйған ауыр һынауҙарға ҡарамаҫтан, ҡыҙыҡай яҡты, нескә күңелле бала булып ҡала. Әҫәрҙә, шулай уҡ, башҡорт ауылының тормошо, мөхәббәт драмалары, социаль тетрәнеүҙәр һүрәтләнә. Әйтерһең, был ваҡыт йәшәү өсөн түгел, ә тере ҡалыуҙы өҫкә ҡуйған мәл. Тик Емеш тормошто башҡаса тоя.
Спектакль бик нескә итеп бирелә. Фольклор мотивтарға бай. Ҡуйыусы режиссеры Мөсәлим Ҡулбаев.
Спектакль бер антрактта. Йәш категорияһы: 12+
Использованы фото с сайта Национального молодежного театра им. М.Карима.

Клара Әғлиуллинаның һүрәттәре махсус китапханала

Картины Клары Аглиуллиной в специальной библиотеке
Һуҡырҙар өсөн Башҡортостан республика махсус китапханаһында Клара Әғлиуллинаның эштәренән торған экспозиция асылды.
Клара Әғлиуллина географ, энциклопедист, журналист, РБ-ның һәм РФ-тың журналистар Союзы ағзаһы. Архангель районы Максим ауылында тыуған. БДУ-ның география факультетын тамамлай. 2004 йылдан алып "Башҡорт энциклопедияһы" ғилми учреждениеһында эшләй.
Клара рус телендә ижад иткән башҡорт шағирәһе. Шиғырҙарҙы бала саҡтан уҡ яҙа. 2015 йылдан алып башҡорт шағирҙары ның ижадын тәржемә итеү менән шөғөлләнә.
Клара үҙен һүрәт төшөрөү сәнғәтендә лә һынай. Әлеге күргәҙмәлә пейзаждар, натюрморттар тәҡдим ителә.
Осрашыуҙа автор ҡунаҡтарға эштәренең сюжетын асты, бер-нисә шиғырын уҡыны.

Өфө-Липецк телекүпере

В библиотеке прошел телемост Уфа-Липецк
27 ноябрь махсус китапханала Липецк ҡалаһы менән "Тыуған ерҙең күп тауышы" телекүпере үтте. Видеоосрашыуҙың төп маҡсаты - Рәсәй халыҡтарының тарихы һәм мәҙәниәте, йолалары һәм ижады менән танышыу, шулай уҡ, тыуған телдәрҙең юҡҡа сығыу мөмкинлеге мәсьәләләрен хәл итеү.
Телекүпер рамкаһында Липецк ҡунаҡтары Башҡортостан республикаһының тарихи һәм мәҙәни йолалары, халҡы менән танышты. Башҡорт шағирҙарының әҫәрҙәре яңғыраны, китапхана уҡыусылары менән виртуаль әңгәмә алып барылды.

Филиалдарҙан яңылыҡтар. Стәрлетамаҡ

Вести из филиалов. Стерлитамак.
25 ноябрь Ишембай ҡалаһы "Юрматы" спорт комплексында мөмкинлектәре сикләнгәндәр араһында ярыш үтте. Ярыш Стәрлетамаҡ, Ишембай, Мәләүез-Күмертау ҡалалары араһында булды.
"Стәрлетамаҡтыҡылар" командаһы составында махсус китапхананың Стәрлетамаҡ филиалы хеҙмәткәрҙәре ҡатнашты.
Ярыш бер-нисә этаптан торҙо. Унда тиҙлек, дөрөҫ башҡарыу, команда эсендәге ойошҡанлыҡ күҙ уңында тотолдо. Һөҙөмтәлә Стәрлетамаҡ ҡалаһы еңеүсе тип билдәләнде.

Әсәләр көнө айҡанлы

Ко дню Матери

Әсәләр көнө - Халыҡ-ара байрам. Ул 1998 йылдан алып билдәләнә. Был көндө әсәләрҙе һәм ауырлы ҡатындарҙы ҡотлау ҡарала.
Махсус китапханала "Йөрәк йылыһы әсәйҙәр өсөн" ғаилә сараһы үтте. Ололар һәм балалар үҙҙәренең әсәләре тураһында һөйләнеләр, башҡорт һәм рус шағирҙарының әҫәрҙәрен уҡынылар, йырҙар йырланылар, открыткалар яһанылар.
Сара викторина менән тамамланды.

Филиалдарҙан яңылыҡтар. Бәләбәй

Вести из филиалов. Белебей.

Халыҡ-ара Әҫәрҙәр көнө айҡанлы махсус китапхананың Бәләбәй филиалы хеҙмәткәрҙәре коррекцион мәктәптең 2-3 класс уҡыусылары өсөн концерт программаһы әҙерләне.
Ҡатнашыусылар байрам тарихы менән таныштылар, лирик йырҙар йырланылар, шиғырҙар ятланылар. Альбина Сәйфетдинова "Кәлүштәр" татар шаян бейеүен бейене.

Толерантлыҡ көнөнә бағышлап, Бәләбәй филиалы коррекцион мәктәп тәрбиәләнеүселәренә сара ойошторҙо.
Балалар толерантлы кеше ниндәй сифаттарға эйә булырға тейешлегенә төшөндө. "Изге, яуыз" тематик уйынында ҡатнаштылар, "Йылы һүҙҙәр" һәм "Дөйөм ритм" күнекмәләрен башҡарҙылар. Сара аппликациялар эшләү менән тамамланды.

"Йөрәгемде һеҙгә илтәм" портрет-күргәҙмәһе

Выставка-портрет "Несу Вам сердце свое".
19 ноябрь махсус китапханала "Йөрәгемде һеҙгә илтәм" портрет-күргәҙмәһе үтте. Сара Рәшит Назаровтың тыуыуына 75 йыл тулыуға арналды.
Рәшит Назаров 1944 йылдың 1 ноябрендә Ауырғазы районы Төрөмбәт ауылында тыуған. Бик йәшләй ижад итә башлай. 1965 йылда "Таңды ҡаршылау" шиғырҙар йыйынтығы донъя күрә. Ә 1991 йылда "Китап" нәшриәте "Йөрәгемде һеҙгә илтәм" китабын баҫтыра.
18 йәшендә үк Рәшит ағай башҡорт әҙәбиәтендә уникаль күренеш булып тора. Шиғырҙары йөрәктәргә үтеп инә. Күпселек әҫәрҙәре араһында "Йәшен" шиғыры бар. Ул ни бары 6 юлдан тора.
1996 йылда Рәшит Назаров тәүгеләрҙән булып Ғ. Ибраһимов исемендәге премияға лайыҡ була. 2004 йылда Салауат Юлаев исемендәге дәүләт премияһы бирелә. Рәшит Сәйетбаттал улы 2006 йылда фани донъянан китә һәм тыуған ауылында ерләнә.
Сара барышында китапхана уҡыусылары Рәшит Назаровтың шиғырҙарын башҡарҙы.
 

Мостай Кәрим тураһында әсбап баҫылды

Издано пособие о Мустае Кариме
Мостай Кәримдең тыуыуына 100 йыл тулыу айҡанлы махсус китапхана уның тураһында аҙ тиражлы әсбап баҫтырып сығарҙы. Китап ҡабарынҡы график һүрәттәр, яҙыусының фотолары менән биҙәлде. Техник эшкәртеүҙәр үткәс әсбап китапхана фондына һәм филиалдарға тапшыраласаҡ.

Филиалдарҙан яңылыҡтар

Вести из филиалов.
Махсус китапхананың Бәләбәй филиалы хеҙмәткәрҙәре Бәләбәй коррекцион мәктәптең 2-3 класс уҡыусыларын "Халыҡ сәнғәте музейы"на экскурсияға алып барҙылар. Бында балалар Бәләбәй районына ҡағылышы булған бөйөк кешеләрҙең: В. И. Чапаев, Д. А. Фурманов һәм башҡа шәхестәрҙең тормош һәм ижад юлы менән таныштылар.
Артабан "Ҡышҡы урман" тигән темаға гуашь менән һүрәт төшөрөү буйынса мастер-класс булды.
Халыҡ ара һуҡырҙар көнө рамкаһында Бәләбәй филиалында китап уҡыусылар һәм врач-терапевт Гөлнур Ғәлимова менән әңгәмә үтте. Ҡатнашыусылар һуҡырҙар көнөнөң килеп сығыу тарихы тураһында тыңланылар.
 
Брайль системаһы буйынса иң яҡшы уҡыусы

Халыҡ-ара һуҡырҙар көнөндә махсус китапхананың Белорет филиалы "Брайль системаһы буйынса иң яҡшы уҡыусы" конкурсының һөҙөмтәләрен билдәләне.
Конкурста бөтәһе 17 кеше ҡатнашты. Билдәле бер ваҡыт эсендә ҡатнашыусылар әҫәрҙән өҙөк уҡырға тейеш ине. Шулай итеп, 1-се урын - Аҡсарина Нәфисәгә (Белорет ҡалаһы), 2-се - Асадуллина Альбинаға(Учалы ҡалаһы), 3-сө Фәттәхов Наилға (Белорет ҡалаһы) бирелде.
Конкурста ҡатнашыусыларҙың барыһына ла рәхмәт белдерәбеҙ.

Страницы

Подписка на ҺУҠЫРҘАР ӨСӨН БАШҠОРТОСТАН РЕСПУБЛИКА  МАХСУС КИТАПХАНАҺЫ RSS
You are reporting a typo in the following text:
Simply click the "Send typo report" button to complete the report. You can also include a comment.