"Аксаковтың тылсым донъяһы" конкурсына эштәр ҡабул итеү тамамланды

Инвалид балаларға уларҙың социаль адаптацияһына, тулы шәхси һәм интеллектуаль үҫешенә булышлыҡ итеү маҡсатында, шулай уҡ уларҙа уҡыуға тотороҡло ихтыяж булдырыу өсөн 2026 йылда инвалид балалар араһында С.Т. Аксаковтың тыуыуына 235 йыл тулыуға арналған «Аксаковтың тылсым донъяһы» республика ижади конкурсы үткәрелә.

Конкурсты ойоштороусы - Башҡортостан республикаһының мәҙәниәт министрлығы. Уны үткәреүҙә муниципаль китапханалар, ижади берләшмәләр һәм инвалид балалар һәм уларҙың ғаиләләре менән эшләгән йәмәғәт ойошмалары ярҙамында (килешеү буйынса) Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы ҡатнашты.

Әлеге ваҡытта эштәрҙе ҡабул итеү тамамланған. Эш төркөмө 117 ғаризаны ҡараны. Бөтә конкурс материалдары артабан ҡатнашыуға рөхсәт ителгән. Артабан компетентлы жюри тәҡдим ителгән эштәрҙе тикшерә һәм еңеүселәрҙе билдәләй башлай.