Һайлау хоҡуғы мәсьәләләре буйынса Республика конкурсының сираттағы этабы

Өфө медицина колледжында 18 йәштән кесерәк һаулыҡ мөмкинлектәре сикләнгән граждандар араһында Һайлау хоҡуғы һәм һайлау процесы мәсьәләләре буйынса республика конкурсының район этабы үтте.
Конкурсты ойоштороусылар булып Башҡортостан Республикаһының Үҙәк һайлау комиссияһы, Өфөнөң Октябрь районы территориаль һайлау комиссияһы, «Бөтә Рәсәй инвалидтар йәмғиәте» дөйөм Рәсәй йәмәғәт ойошмаһының Башҡортостан республика ойошмаһы һәм Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы сығыш яһаны.

Конкурс өс этаптан торҙо, уларҙың һәр береһендә ҡатнашыусылар һорауҙарға яуап бирҙе, ситуацион мәсьәләләрҙе хәл итте. Ҡатнашыусылар - колледж студенттары ҡуйылған һорауҙарға яҡшы белем һәм тиҙ яуап биреүҙәрен күрһәтте.
Конкурс комиссияһы конкурсҡа йомғаҡ яһаны. Беренсе урын 29 "М" төркөмө студенты Илина Абзалетдиноваға, икенсе урын 11 "СЛ" төркөмө студенты Рената Шахмаеваға, өсөнсө урын 11 "М" төркөмө студенты Денис Әхмәтовҡа бирелә.
Октябрь районы территориаль һайлау комиссияһы рәйесе Таһир Закиров еңеүселәргә дипломдар һәм приздар тапшырҙы. Конкурста әүҙем ҡатнашыусылар дипломдар алды, шулай уҡ конкурста ҡатнашыусыларҙың барыһы ла иҫтәлекле бүләктәр алды.
БР Үҙәк һайлау комиссияһы материалдары буйынса