Һуҡырҙар өсөн китапхана эшмәкәрлеге тураһында китап нәшер ителә

Мәкәрим Хөсәйен улы Төхвәтшин исемендәге һуҡырҙар өсөн республика махсус китапханаһында "Иртәгә һәм бөгөн аҡыл ғибәҙәтханаһы" китабы донъя күрҙе. Китап ҡабарынҡы-нөктәле Брайль шрифты менән нәшер ителгән.
Китапта башҡорт һуҡырҙар өсөн китапханаһы ойошторолғандан алып 90 йыллыҡ эшмәкәрлеге осоро тураһында бәйән ителә. Баҫма махсус китапхананың юбилейына арналды.

Баҫма аҙ тиражлы. Техник эшкәртеү процесынан һуң китап Өфө ҡалаһындағы махсус китапхана фондына һәм уның республика ҡалаларындағы филиалдарына тапшырыласаҡ.
#БРСБС_90