Новости

23.10.2025

Өфөнөң 28-се мәктәп-интернатында аҡ торналар көнө

22 октябрҙә Өфөнөң 28-се коррекция мәктәп-интернаты уҡыусылары менән аҡ торналар көнөнә - яу яландарында һәләк булғандарҙы иҫкә алыу көнөнә арналған белемле осрашыуы үтте.
Был байрам төрлө милләт кешеләрен тыныслыҡҡа ынтылыуҙа һәм тыуған ил өсөн ғүмерен биргәндәрҙең хәтерен һаҡлауҙа берләштерә. Көн тарихы Дағыстан шағиры Рәсүл Ғамзатов һәм тыныслыҡты, дуҫлыҡты һәм һуғыш ҡорбандары тураһында хәтерҙе кәүҙәләндергән аҡ торна символы менән бәйле.

22.10.2025

И. А. Буниндың юбилейына арналған китап күргәҙмәһе

Мәкәрим Хөсәйен улы Төхвәтшин исемендәге һуҡырҙар өсөн Республика махсус китапханаһы абонементы уҡыусылары иғтибарына И. А. Бунин әҫәрҙәренең китап күргәҙмәһен тәҡдим итә. Күргәҙмә рус яҙыусыһының тыуыуына 155 йыл тулыуға арнала.
Күргәҙмәлә романдар, повестар, хикәйәләр һәм шиғырҙар, Иван Алексей улы Буниндың талантының бөтә палитраһын сағылдырған иң сағыу һәм әһәмиәтле әҫәрҙәр тәҡдим ителә.

22.10.2025

Милли бейеү көнө

Башҡортостанда 21 октябрҙә тәүге тапҡыр Милли бейеү көнө — Республика Башлығы Радий Хәбиров башланғысы менән ойошторолған байрам билдәләнә. Был көн төбәк халыҡтарының мәҙәни мираҫын үҫтереүгә һәм яҡлауға йүнәлтелгән. Датаны һайлау бөйөк хореограф Фәйзи Ғәскәровтың тыуған көнө менән бәйле. Уның өлөшө Башҡортостандың бейеү сәнғәтен һаҡлау символына әүерелде.
М. Х. Төхвәтшин исемендәге Башҡортостан республика махсус китапханаһында милли бейеү көнөнә арналған сара үтте.