Балалар өсөн шиғырҙар йыйынтығы баҫылды
Махсус китапхананың тифлобаҫма бүлегендә "Ҡайын ниңә илай?" аҙ тиражлы шиғырҙар йыйынтығы донъя күрҙе. Йыйынтыҡҡа башҡорт совет шағиры һәм прозаик Абдулхаҡ Игебаевтың әҫәрҙәре инде.
Был китапҡа тыуған яҡтың тәбиғәте тураһында шиғырҙар индерелгән. Йыйынтыҡ ҡабарынҡы нөктәле Брайль шрифты һәм ҡабарынҡы график һүрәттәр менән бирелә.
Техник эшкәртеүҙәрҙән һуң китап китапхана фондына һәм филиалдарға тапшырыласаҡ.