Бөтә донъя һаулыҡ көнөнә

Бөтә донъя һаулыҡ көнө айҡанлы һуҡырҙар өсөн Башҡортостан республика махсус китапханаһында волонтерҙар менән осрашыу үтте.
Сара барышындакитап уҡыусыларға волонтерҙар эше, хәрәкәте, йәмғиәт акцияларында ҡатнашыуҙары тураһында һөйләнеләр.
Китапхана ҡулланысылары алдында М. Аҡмулла исемендәге Башҡорт дәүләт педагогия университеты, Өфө яғыулыҡ-энергетика колледжы студенттары сығыш яһаны. Рус һәм башҡорт телдәрендә йырҙар йырланылар, шиғырҙар уҡынылар. “Башҡортостандың тәбиғи һәйкәлдәре” уйын-лотоһын уйнанылар.