«Минең дә тауыш биргем килә, мине лә өйрәтһендәр!»

2014 йылдың 26 ноябрендә БР Үҙәк һайлау комиссияһы Башҡортостан республикаһының һуҡырҙар өсөн махсус китапханаһы менән берлектә күреү мөмкинлектәре сикләнгән Өфөнөң 28-се мәктәп-интернаты уҡыусылары араһында Һайлау хоҡуғы һәм Һайлау процесы буйынса «Минең дә тауыш биргем килә, мине лә өйрәтһендәр!» конкурсын үткәрә.

Уйында күреү мөмкинлектәре сикләнгән кешеләр араһында алдараҡ үткәрелгән Һайлау хоҡуғы һәм Һайлау процесы буйынса интернет-викторина һорауҙарына дөрөҫ яуап биреүсе уҡыусылар ҡатнаша ала.
Икенсе тур «Яҙылыу», «Әкиәтле конкурс», «Терминдар белгестәре», «Һайлауҙа минең тауышым - ...», «Ҡара ҡумта эсендә нимә бар?» конкурстарынан торасаҡ.

Сара Өфө ҡалаһының 28-се мәктәп-интернатында үтәсәк. Башлана: 12.00 сәғәттә.