Тифлокомментарийҙар менән яңы фильм.

Удмурт республикаһының һуҡырҙар өсөн китапханаһының һорауы буйынса Башҡортостан республикаһының һуҡырҙар өсөн махсус китапханаһы «Кайрос» киностудияһының «Алангасарҙың күләгәһе» тигән фильмына тифлокомментарий эшләне. «Алангасарҙың күләгәһе» киноһы удмурт легендалары, мифтары, хикәйәттәре мотивы буйынса төшөрөлгән һәм 1994 йылда экранда күрһәтелгән. Был фильм үткән быуаттың шамандары һәм батырҙары, сихырсылары һәм оҫта һөнәрселәре – боронғо легендаларҙағы персонаждарҙың ергә тоғролоғы, мөхәббәте, нәфрәте тураһында. Сюжеттың нигеҙендә - Аҡҡоштың улы Дунай тора, ул бер ваҡыт Ерҙә йәшәгәндәрҙе аңлар өсөн боронғо удмурттарға күктән төшкән. Киноны ҡарарға теләге булған уҡыусыларға, китапхананың абонементына 272-70-14 телефоны буйынса мөрәжәғәт итергә мөмкин.