Махсус китапханала сәнғәт төнө

Ноябрь башында Рәсәйҙең бөтә төбәктәрендә лә «Сәнғәт төнө» акцияһы үтәсәк. Быйыл уның саралары халыҡтар берҙәмлеге көнөнә арналасаҡ һәм «Рәсәй берләштерә» девизы аҫтында үтәсәк. Музейҙар һәм театрҙар, күргәҙмә һәм концерт залдары, китапханалар һәм мәҙәни клубтар тематик сараларҙы офлайн һәм онлайн форматта үткәрәсәк.
1 ноябрҙә уҡыусыларҙы һәм ҡунаҡтарҙы «Визит»тифлокомментарийҙар менән яҙылған фильмын ҡарарға саҡырабыҙ.

«Визит» таҫмаһының режиссеры Булат Йосопов еңел юлға бармай — мәҫәлән, таҫманы Рудольф Нуриевтың ғәжәйеп пластикаһы хроникаһы менән тулыландыра. Беҙ уны күрмәйәсәкбеҙ, тик финалдағы фотоларҙа ғына.
Прокат таныҡлығының номеры 111003814, таныҡлыҡ бирелгән датаһы 10.04.2014, Рәсәй етештереүсеһе, Башҡортостан Республикаһының "Башҡортостан" киностудияһы ДУП-ы. 2013 йыл. Режиссеры Булат Йосопов.
Фильмға тифлокомментарийҙар Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһының тауыш яҙҙырыу студияһында әҙерләнгән.
Ҡарау 14.00 сәғәттә башлана