"Бушҡа түгел" мәктәбе 

М. Х. Төхвәтшин исемендәге һуҡырҙар өсөн Башҡортостан республика махсус китапханаһында Брайль системаһы буйынса уҡыу һәм яҙыу мәктәбе эшләй башланы. Дәрестәрҙе китапхананың әүҙем ҡулланыусыһы Гүзәл Хәсәнова алып бара. 
Дәрескә күреү һәләтен юғалтҡан 30 йәштән алып 68 йәшкә тиклемге тыңлаусылар йөрөй. 
Брайль шрифы - ул ҡабарынҡы нөктәле тактиль шрифт. Был шрифта 6 нөктә ҡулланыла. Брайль шрифы менән яҙыу һәм уҡыу еңел эш түгел. Уның классик аздарына беҙҙең уҡыусылар өйрәнә. Аҙаҡ, ябай һәм классик Брайль системаһына өйрәнгәндән һуң, уҡыусылар Брайль дисплейына күсә ала. 
Брайль дисплейы - ул ҡабарынҡы-нөктәле шрифты йыйыусы электрон ҡулайлама. Ул һуҡырҙарға мәғлүмәтте компьютерҙан һәм телефондан бармаҡ менән уҡыу мөмкинлеген бирә.