"Тыуған ил һәм ваҡыт улы". Әҙәби сәйәхәт.

Мостай Кәримдең тыуыуына 100 йыл тулыу сәбәпле уҙғарылған саралар рамкаһында махсус китапхана уҡыусылары өсөн әҙиптең һәйкәленә экскурсия ойошторолдо. Һәйкәл янында китапханасылар монументтың барлыҡҡа килеү тарихын һөйләнеләр.
Авторы - билдәле скульптор Андрей Ковальчук. Һәйкәлдең бейеклеге 6 метр, оҙонлоғо - 15 м. Композицияға тағы ла "Оҙон-оҙаҡ бала саҡ" повесы геройҙары ингән.
Һәйкәлдән алыҫ түгел яҙыусының йорто урынлашҡан.
Әҙәби осрашыу дауамында шағирҙың рус һәм башҡорт телдәрендә шиғырҙары яңғыраны.