31 ғинуарҙа һуҡырҙар өсөн Башҡортостан Республика махсус китапханаһына 2012 йылда Лондонда үткән параолимпия уйынының чемпионы Андрей Коптев ҡунаҡҡа килде.
Андрей Коптев 1984 йылдың 28 февралендә Иркутск өлкәһенең Себер-Усолье ҡалаһында тыуған. Ул ошо ҡалала еңел атлетика менән шөғөлләнә башлай. Һуңынан Андрей Өфө ҡалаһына күсеп килә.
Андрей Коптев - Рәсәй Чемпионатының чемпионы һәм призеры (2004, 2005, 2006, 2007 йылдарҙа); Европа чемпионатың бронза призеры (2005 йылда); 2009 йылда Европа чемпионатың эстафета һәм 100 метрға югереү буйынса бронза призеры.
2012 йылда Лондонда үткән параолимпия уйынында Андрей Коптев эстафетала алтын миҙал еңә. Республиканың Салауат Юлаев исемендәге ордены менән бүләкләнә.
Директор урынбаҫары Пантелеева В.Н. Андрейға иҫтәлеккә библиографик күрһәтмә буләк итте. Чемпион бүләкте ҡыуанып ҡабул итте һәм китапхананың уҡыусылары менән осрашырға вәғәҙә бирҙе

Һуҡырҙар өсөн Башҡортостан Республика махсус китапханаһында  29 ғинуарҙа йыл да үткәрелә торған махсус китапхананың уҡыусылары өсөн йыйылыш үтте. Йыйылышты китапхана директоры Әминева А. Р. асты, үҙенең инеш һүҙендә - үткән  экология йылының ваҡиғаларға бай булыуын һәм махсус китапхананың коллективына Мәҙәниәт йылына ҡуйылған маҡсаттарҙы үтәүҙе һыҙыҡ өҫтөнә алды.  Унан һуң йыйылған уҡыусылар алдында бүлектәр мөдирҙәре махсус китапханала эшләнгән эштәре тураһында сығыш яһаны.

Йыйылыш барышында һуҡырҙар өсөн махсус китапхананың уҡыусылар ойошмаһы һайланды, уның составы:

Председатель - Сөләймәнова З. А., ағзалары: Акшенцов Ю. Н., Нәбиуллина Ф. М., Иванова М. М., Ғилманшин Р. Р., секретарь: Пантелеева В. Н.

Уҡыусыларҙы йылдың башынан эшләй башлаған яңы сайт һәм уның  мөмкинлектәре менән таныштырҙылар. Насар күреүселәргә эшләнгән версияһында төрлө опциялары бар, мәҫәлән, экранда күренгән мәғлүмәттең төҫөн һәм шрифын үҙгәртергә була.

Йыйылыш башланыр алдынан Рәсәй Федерацияһы Һаулыҡ һаҡлау министрлығының Бөтә Рәсәй күҙ һәм пластик хирургия үҙәге күҙ ауырыуҙарын диагностикалау бүлеге мөдире биология фәндәре кандидаты Руслан Алик улы Мөхәмәҙиев телмәр тотто.

Махсус китапхананың директоры үҙ нәүбәтендә Мулдашев Э. Р.  тураһындағы библиографик күрһәткес экземплярын Р. А. Мөхәмәҙиевҡа тапшырҙы.

Һуҡырҙар өсөн Башҡортостан Республика махсус китапханаһында билдәле музыкант, языусы, тыуған яҡты өйрәнеүсе Сергей Круль менән осрашыу үтте. Круль өсөн иң мөһиме йөрәк тибеше, уның ижады: йырҙар, китаптар, ижтимағи-сәйәси әҙәбиәт - нескә йөрәге, йәне аша уткән.

Уҡыусылар менән осрашыуҙы Крулдең «Мин Өфөлә тыуҙым» йырының видео-ролигын  күрһәтеү менән башлап ебәрҙеләр. Был юҡҡа ғына түгел, сөнки Сергейҙың бөтә ғүмере яратҡан ҡалаһы менән бәйләнгән, уның әҫәрҙәрендә лә Өфөгә мөхәббәте һәм киләсәге тураһында  ҡайғыртыуы сағыла.

Сергей Круль 1953 йылда Өфө ҡалаһында билдәле рәссам Леонид Круль ғаиләһендә тыуған.

Сергей Леонид улы  үҙенең беренсе романсын - Николай Рубцовтың шиғырына яҙа.

1998-1999 йылдарҙа Сергей Круль тауыш  студияһында эшләй, компакт-дисктар яҙҙыра.

Ул уҡыусыларға үҙенең нисек итеп әҙәбиәт ижад итеүгә килеүе тураһында һөйләне. «Минең атайым - рәссам Леонид Круль» тигән, үҙенең беренсе китабын 1995 йылда яҙа башлай.

Тағы бер китабы автобиографик йөкмәткеле. 2007 йылда “Ағиҙел” нәшриәте  «минең әсәйемдең йорто » тигән китабын баҫып сығара.

Сергей Круль күп концерттар ҡуя, музыкаль-шиғриәт осрашыуҙар үткәреп тора.

2013 йылда Башҡортостан Республикаһының   мәғариф министрлығы, М.Аҡмулла исемендәге Башҡорт дәүләт педагогик университеты “Хәҙерге Өфө нәфис сәсмә әҫәре (1992-2012)” хрестоматия яҙмаһын баҫып сығаралар.

Сергей Круль осрашыу барышында нимә тураһында ғына һөйләмәһен, шиғри һуҙҙәрен  гитара аккомпоненты менән нығытып ҡуя барҙы. Уҡыусыларға бигерәк тә ҡалаға бағышлаған «Йәшел сарафан» йыры оҡшаны.

Йомғаҡлап Сергей Круль махсус китапхананың уҡыусыларына үҙенең китаптарын һәм йырҙары яҙҙырылған диск бүләк итте. Тағы ла,  үҙенең йырҙарын "һөйләүсе" китаптар базаһына  индереүгә ризалығын бирҙе 

23 ғинуар Һуҡырҙар өсөн махсус китапханаһы белгестәре быйыл Башҡортостан Республикаһында иғлан ителгән Мәҙәниәт йылын арнап “Бөтәһе лә файҙалана алған китапханала күреү һәләттәре сикләнгән кешеләрҙең мәғлүмәт алыу мөмкинлеген ойоштороу” тип аталған тифлосессия үткәрҙе. Һөйләшеү барышында һүҙ мөмкинлектәре сикләнгән кешеләрҙең милли мәҙәниәт, донъя халыҡтары мәҙәниәте өлгөләре менән яҡындан танышыу мөмкинлеген биреүсе мәғлүмәтте кешеләргә еткереү мөмкинлектәре тураһында барҙы.

Китапхана белгесттәре шулай уҡ “Асыҡ мөхит” тыуҙырыуҙы күҙ уңында тотҡан “Уңайлы мөхит” Федераль программаһын тормошҡа ашырыу менән бәйле бер-нисә һорауҙы; күреү һәләте сикләнгән кешеләрҙе компьютер технологиялары ярҙамында киң мәғлүмәт менән таныштырыу, сәләмәтлеге сикләнгән балаларға китап уҡыуҙы әүҙемләштереү өсөн китапхана эшенең интерактив мөмкинлектәрен һәм ысулдары менән бәйле һорауҙарҙы ла ҡараны. Тифлосессияны тыңлаусыларға Башҡортостан республикаһының һуҡырҙар өсөн махсус китапханаһында сығарылған мәғлүмәт-методик ҡулланмалар тураһында мәғлүмәт еткерелде. Тифлосессияла ҡатнашыусылар иһә, экскурсия ваҡытында Башҡортостан республикаһының һуҡырҙар өсөн махсус китапханаһы эшмәкәрлегге менән танышты. 

Һуҡырҙар өсөн Башҡортостан Республика махсус китапханаһында Мәҙәниәт йылына арналған  шәхси күргәҙмә презентацияһында  Башҡортостан Республикаһының атҡаҙанған мәҙәниәт хеҙмәткәре  Ғабдулла Әхмәтшиндың хеҙмәттәре күрһәтелде.

Күргәҙмәгә фотограф иғтибарын йәлеп иткән һәм фотообьективҡа эләккән ике йөҙгә яҡын тәбиғәт һәм кеше тормошонан төрлө күренештәр һәм кейеҙ баҫыу буйынса бер-нисә эш ингән.

Ғабдулла Зәкир улы Миәкә районының Шатман-тамаҡ ауылында тыуған. Үҙенең беренсе  шедеврын биш йәшендә үк -  Ю.Васнецовтың “Өс баһадир ” һүрәтенең күсермәһен эшләй.

Ғабдулла Зәкир улы рәссам ғына түгел, музыкаль яҡтан да һәләтле - ул йырлай, ҡурайҙа уйнай, “Хазина” фольклор төркөмө етәксеһе.

2004 йылда Ғабдулла Зәкир улына “Башҡортостан Республикаһының атҡаҙанған мәҙәниәт хеҙмәткәре” тигән исем бирелә.

Рәссам презентацияла ҡатнашыусыларға үҙенең «Аҡмулланы төшөмдә күрҙем» (2013 йылда «Китап» нүшриүтендә баҫтырыла) тигән китабы тураһында һөйләне.

Күргәҙмәне асыуҙа махсус китапхананың уҡыусылары ғына түгел, ә Өфө райондары китапханасылары һәм семинарҙы тыңлаусылар  ҡатнашты.

Күргәҙмә көн һайын 9-00 сәғәттән 18-00 сәғәткә тиклем эшләй. Шәмбе көнө ял. Инеү бушлай.