По материалам МБУК ММЦБ МР Миякинский район РБ

2020 йылдың 6 октябрендә Өфөлә онлайн режимда "Һуҡырҙар өсөн китапхана Рәсәй халыҡтарының үҙ-ара мәҙәни эшмәкәрлек структураһында" Халыҡ-ара ғилми-практик конференция үтте. Конференция Рәсәй Федерацияһының мәҙәниәт министрлығы, Башҡортостан республикаһының мәҙәниәт министрлығы, һуҡырҙар өсөн Рәсәй дәүләт китапханаһы, Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапхана тарафынан ойошторолдо. 

Конференцияла ҡатнашыусыларҙы иң тәү булып Башҡортостан республикаһының мәҙәниәт министры урынбаҫары Рәнис Алтынбаев сәләмләне. Үҙенең мөрәжәғәтендә ул толерантлыҡ үҙәге булып торған махсус китапханаларҙың ролен һыҙыҡ өҫтөнә алды. 
Һуҡырҙар өсөн Рәсәй дәүләт китапханаһы директоры Елена Захарова конференцияла  илебеҙҙең күп милләтлелек аспектында ҡуйылған һорауҙың ҡаралыуы актуаль булыуына баҫым яһаны.
"Мөмкинлектәре сиклеләрҙең мәҙәниәтен формалашатырыуҙа махсус китапханаларҙың урыны" доклады менән М. Аҡмулла исемендәге БДПУ деканы урынбаҫары Римма Ғилмийәнова сығыш яһаны. 
Ҡатнашыусыларҙың хеҙмәт тәжрибәһе менән М.Х. Төхвәтшин исемендәге һуҡырҙар өсөн Башҡортостан республика махсус китапханаһы директоры Айгөл Әминева таныштырҙы. Үҙенең докладында ул формалашатырыуҙың практик үҙенсәлектәре, китапхана фондын консервациялау, бының өсөн традицион һәм инновацион китапхана технологиялары ҡулланылыуы тураһында һөйләне. 
Бөтә донъя интеллектуаль шәхси милек ойошмаһы  вәкиле Парвиз Эмомов (Женева, Швейцария) Марракеш положениеһы сиктәрендә эшмәкәрлектең практик аспекттары тураһында сығыш яһаны.
Новосибирск өлкә махсус китапхана директоры Юрий Лесневский сығышында күп милләтле территорияла китапхана хеҙмәтләндереүҙәрендә махсус китапханаларҙың эш тәжрибәһен бер суммаға һалды.
Актуаль һорауҙар буйынса Рәсәй төбәктәрендә (Мәскәү, Ҡазан, Калуга, Ҡуҙбасс, Стәрлетамаҡ, Туймазы, Новосибирск, Өфө, Силәбе, Яҡут) һәм яҡын сит илдә (Ҡаҙағстан) инвалидтар менән эш алып барған дөйөм хеҙмәтләндереү һәм махсус китапхана хеҙмәткәрҙәре әйтеп үтте, тәжрибә менән уртаҡлашты.

Рәсәй Федерацияһының мәҙәниәт министрлығы, Башҡортостан республикаһының мәҙәниәт министрлығы, һуҡырҙар өсөн Рәсәй дәүләт китапханаһы, Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһы 2020 йылдың 6 октябрендә 12:00 сәғәттә"Һуҡырҙар өсөн китапхана Рәсәй халыҡтарының үҙ-ара мәҙәни эшмәкәрлек структураһында" Халыҡ-ара ғилми-практик конференцияһын үткәрә. Конференция М. Х. Төхвәтшин исемендәге һуҡырҙар өсөн Башҡортостан республика махсус китапханаһына 85 йыл тулыуға арнала һәм видеобәйләнеш аша уҙасаҡ.

Конференция ның маҡсаты:

• төбәктең этномәҙәни киңлегендә махсус китапханаларҙың ролен һәм урынын билдәләү;

• милли әҙәби мираҫты һаҡлауҙа китапханаларҙың ҡатнашлығы;

• һаулыҡ мөмкинлектәре сикләнгән кешеләр өсөн милли электрон китапхана сығанаҡтарын формалашатырыу;

Конференцияла Рәсәй төбәктәрендә (Ҡазан, Калуга, Кузбасс, Мәскәү, Новосибирск, Өфө, Силәбе, Яҡут), яҡын сит илдә (Ҡаҙағстан) инвалидтар менән эш алып барған дөйөм хеҙмәтләндереү һәм махсус китапхана хеҙмәткәрҙәре, Европа союзы илдәренең (Чехия) интеллектуаль шәхси милек Бөтә донъя ойошмаһының Консорциум хеҙмәткәрҙәре, йәмғиәт ойошмалары вәкилдәре һәм ҡыҙыҡһыныусы йөҙҙәр ҡатнаша.

Конференцияла киләһе һорауҙарҙы ҡарау планлаштырыла:

• һуҡырҙарҙы хеҙмәтләндереүҙә этник-ара китапхана-мәғлүмәти киңлекте формалаштырыуҙа китапханалар роле;

• төбәктә йәшәгән халыҡтың милли мәҙәниәтен һаҡлау һәм үҫтереүҙә махсус китапханаларҙың роле;

• Рәсәй һәм донъя халыҡтарының милли-мәҙәни ғорурлығын тәшкил иткән китаптарҙы, электрон, ресурстарҙы формалаштырыу, һаҡлау  һәм таратыу;

• һаулыҡ мөмкинлектәре сиклеләр өсөн Рәсәй халыҡтары телдәрендә цифрлы әҙәбиәт коллекцияһын туплауҙа махсус китапханаларҙың үҙ-ара хеҙмәттәшлеге һәм китаптар менән алыш-биреш итеүе;

• мөмкинлектәре сиклеләр өсөн төбәк-ара һәм халыҡ-ара китапхана хеҙмәттәшлегендә күп форматлы баҫмалар.

Сара 2020 йылда Рәсәй Федерацияһы һуҡырҙар өсөн махсус китапханаларҙың Төп саралар планына инде.

Конференция һөҙөмтәләре буйынса йыйынтыҡ әҙерләү планлаштырыла.

Видеотрансляция "Торатау Конгресс-холл"ы ултырыш залынан интернет селтәрендә барасаҡ.

"Һуҡырҙар өсөн китапхана Рәсәй халыҡтарының үҙ-ара мәҙәни эшмәкәрлек структураһында" Халыҡ-ара ғилми-практик онлайн-конференция.

Бенефис Натальи Бессольцевой прошел в онлайн формате. Интернетверсия размещена на видеохостинге YouTube

Һуҡырҙар өсөн онлайн йога
Йога - иң таралған һәм яратылып өлгөрөлгән практика. Ул стресс сисергә, физик форманы яҡшыртырға ярҙам итә. Йога менән балалар ҙа, ололар ҙа, ҙур компания етәкселәре лә, фрилансер-рәссамдар ҙа шөғөлләнә. 

Курстың тулы варианты:  https://tifloyoga.evland.ru/