ҺУҠЫРҘАР ӨСӨН БАШҠОРТОСТАН РЕСПУБЛИКА МАХСУС КИТАПХАНАҺЫ | БАШҠОРТОСТАН РЕСПУБЛИКАҺЫНЫҢ ДӘҮЛӘТ БЮДЖЕТ МӘҘӘНИӘТ УЧРЕЖДЕНИЕҺЫ

Гөлнур Яҡупованың китабы баҫылды

Мәкәрим Хөсәйен улы Төхвәтшин исемендәге һуҡырҙар өсөн Башҡортостан республика махсус китапханаһының тифлобаҫма бүлегендә Гөлнур Яҡупованың "Йыртҡыс ҡаны" китабы донъяға сыҡты. Әҫәр ҡабарынҡы нөктәле Брайль шрифы менән башҡорт телендә ике китапта баҫылды.
Башҡорт яҙыусыһы Гөлнур Яҡупованың повесында https://vk.com/id186929380 Һәҙиә исемле ҡатындың яҙмышы тураһында һөйләнелә. Һәҙиәгә башҡа һыймаҫлыҡ ауырлыҡтар кисерергә тура килә. Яуыз кешеләрҙән ҡасып, Урал урмандары хужаһы - айыуҙа яҡлаусы таба. Ярты ғүмерен ҡырағай тәбиғәттә үткәргәндән һуң ғына, кешеләр янына ҡайтырға рух көсө таба. Ҡан һәм күҙ йәштәре, мөхәббәт һәм ауырлыҡтар, өмөттәрҙең селпәрәмә килеүе һәм ышаныс табыу - барыһы ла Һәҙиәнең ғүмер юлында осрай.

Издана книга Гульнур Якуповой

Мишкәлә тифлосессия

7 июнь М. Х. Төхвәтшин исемендәге һуҡырҙар өсөн Башҡортостан республика махсус китапханаһы белгестәре Мишкә муниципаль Үҙәк китапхана системаһында тифлосессия үткәрәсәк. Семинарҙа Башҡортостан Республикаһының ҡала һәм райондарынан дөйөм хеҙмәтләндереү китапхана белгестәре ҡатнашасаҡ.

Мөмкинлектәре сикләнгән граждандарҙың мәғлүмәт алыуы буйынса һорауҙар ҡараласаҡ. Ҡатнашыусылар адаптив һәм виртуаль режимда мәғлүмәт алыуҙы булдырыу үҙенсәлектәре тураһында беләсәк.
Тифлосессия түңәрәк өҫтәл менән тамамланасаҡ.

1 июнь - Халыҡ-ара балаларҙы яҡлау көнө

Йәйҙең тәүге көнөндә күп илдәрҙә Халыҡ-ара балаларҙы яҡлау көнө үтә. Бының турала ололар ҙа, балалар ҙа бик яҡшы белә. Был көндөң төп маҡсаты: балаларҙы ауырлыҡтарҙан ҡурсалау. Быйыл беҙҙең китапханасылар тура эфирҙа тифлосәғәт әҙерләне. Эфир яҙмаһы Одноклассники социаль селтәрендә. Запись трансляции на платформе социальной сети Одноклассники

Беҙ "Башҡортостандың иң яҡшы тауарҙары 2023" конкурсы еңеүселәре иҫәбендә

Мы в числе победителей конкурса «Лучшие товары Башкортостана 2023»

М. Х. Төхвәтшин исемендәге һуҡырҙар өсөн Башҡортостан республика махсус китапханаһы "Башҡортостандың иң яҡшы тауарҙары 2023" республика конкурсында "Башҡорттарҙың халыҡ сәнғәте" әсбабы менән еңеү яуланы.

Республика конкурсы 2001 йылдан алып уҙғарыла. "Рәсәйҙәң иң яҡшы 100 тауары" Программаһының төбәк этабы булып тора.

Конкурс бурыстары булып иң яҡшы тауарҙар һәм хеҙмәтләндереүҙәрҙе билдәләү, ватан предприятилераның һәм лидер ойошмаларҙың позитив тәжрибәһен таратыу, сифат менеджментының эффектлы системаларын ҡулланыуға индереүгә булышлыҡ итеү торҙо. Конкурста ҡатнашырға быйыл республиканың 100 предприятиеһы ғариза тапшырҙы. Конкурс киләһе номинацияларҙа үтте: "етештереү-техник тәғәйенләнештәге продукция", "халыҡ өсөн сәнәғәт тауарҙары", "халыҡ өсөн аҙыҡ-түлек тауарҙары", "хеҙмәтләндереү".
Баһалау критерийҙары: сифат һәм конкурент була алыу, прогрессив технологиялар индереү, прогрессив етештереүҙе үҫтереү һәм тауарҙы һатыу һ. б.

Китапхана конкурсҡа " Башҡорттарҙың халыҡ сәнғәте" ҡабарынҡы график әсбабын тәҡдим итте. Был китап сериялары тыуған яҡты, халыҡ сәнғәтен өйрәнеү буйынса материалдарҙан тора. Әсбап стационар китапханаларға ғына түгел, республика территорияһындағы бөтә дөйөм хеҙмәтләндереү китапханаларына ла, махсус мәктәп һәм балалар баҡсаларына ла, РФ махсус китапханаларына ла таратыла.
Махсус китапхана был конкурста икенсе тапҡыр лауреат булды.

Мы в числе победителей конкурса «Лучшие товары Башкортостана 2023»

"Китап-байрам" - аралашыу ваҡыты

"Китап-байрам" йәрминкәһе сиктәрендә, Башҡортостан Яҙыусылар союзы председателе Айгиз Баймөхәмәтов шағир-тәржемәсе, "Алтын-сака" балалар нәшриәте мөхәррире Саят Камшигерға махсус китапхана эшен тәҡдим итте.

Китапхана директоры Айгөл Әминова Саят Камшегурҙы китапхана эшенең төп йүнәлештәре, социомәҙәни реабилитациялау, нәшриәт һәм методик эшмәкәрлек менән таныштырҙы. Башҡорт телендә китаптар һәм әсбаптар баҫтырыуға ентекләберәк туҡталып китте.
Саят Камшегур, үҙ сиратында, мөмкинлектәре сикләнгәндәр менән эшләүҙә ижади уңыштар теләне, билдәле ҡаҙаҡ мәҡәлен әйтте: "Кем китап уҡымай, шуға киләсәк асылмай".

#БРСБС
#СоюзПисателейБашкортостана
#АйгизБаймухаметов

"Китап-Байрам" - время общаться

"Китап-байрам"да мастер-класс

28 май, 11:00 сәғәттә, "Китап-байрам" йәрминкәһе сиктәрендә, "Инвалидтарға ситуацион ярҙам" мастер-класы үтте.
Спикерҙар: дефектолог, тифлопедагог Юрий Панчишин, ғаилә, хеҙмәт һәм социаль яҡлау министрлығы йәмғиәт советы ағзаһы Руслан Шәйхуллин.
Мастер-класс сиктәрендә, махсус китапхана белгесе, фондтарҙы үҫтереү һәм каталоглаштырыу бүлеге мөдире Нәзилә Дәүләтханова китапхана эшмәкәрлеге һәм "Ҡараңғыла йөрөү" квесы тураһында һөйләне.

Спикерҙар тыңлаусыларға ситуацион ярҙамдың үҙ ваҡытында кәрәклеге, уның менән һаҡ ҡыланыу, һуҡырҙарҙы аңларға тырышыу тураһында мәғлүмәт бирҙе.

Библиотөн-2023

27 май, "Библиотөн-2023" Бөтә Рәсәй акцияһы сиктәрендә, "Китап-байрам" амыҡ майҙанында махсус китапхана саралар серияһын үткәрҙе.
Брайль шрифын өйрәнеү буйынса мастер-класта бөтә теләүселәр ҙә алты нөктәле шрифт менән танышты. Китапханасылар шрифт нигеҙе, уны яҙыуҙың төп принциптары тураһында һөйләне.
Ҡунаҡтар ҡабарынҡы график рәсемдәрҙең термомейес ярҙамында барлыҡҡа килеү процессын күрҙе. Китапханала баҫылған ҡабарынҡы рәсемле китаптар тәҡдим ителде.
Балалар өсөн тактиль китаптар менән дә танышыу булды. Китапханасылар йомшаҡ китаптар яһауҙа булған талаптар тураһында мәғлүмәт бирҙе.
Айырым майҙанда "Бергәләп уҡыйбыҙ. Балалар өсөн тактиль китаптар" Республика конкурсының еңеүселәрен бүләкләү тантанаһы үтте.
Бында Башҡортостан республика китапханалары һәм белгестәре, ижади берекмәләр ҡатнашты. Тантана Бәйләнештә социаль селтәрендә онлайн трансляция алып барҙы.
Еңеүселәр:
1 урын - Сальников А. А., Маркина Р. Х. (Өфө ҡ.);
2 урын - Решетицкая Т. В. (Стәрлетамаҡ районы);
3 урын - Войтенко К. В. (Өфө ҡ.)
Лауреаттар:
Бәкирова З. А.
Гайнцева Е. Г.
Лысенкова И. А., Степанова К. И.
Мәләүез Үҙәк китапхана системаһының хеҙмәтләндереү бүлеге.
Сәғитова М. А.
Шәрәфетдинова С. З.
Еңеүселәр һәм лауреаттар ҡиммәтле бүләктәр алды. Спонсорҙар: ООО "Автобан" етәксеһе Илдар Насыров; "Живые кухни" мебель фабрикаһы эшҡыуар Илгиз Вәлинуров; Бөтә Рәсәй профсоюз мәҙәниәт эшселәре председателе Александр Кузьменко, уҡыу-методик үҙәге "Эдвис".

Библиотөн-2023 акцияһында ҡатнашыусыларҙы китап күргәҙмәләре, архивтарҙан алынған ҡулъяҙмалар күргәҙмәһе буйлап экскурсия, билдәле Рәсәй яҙыусылары, мәҙәниәт эшмәкәрҙәре менән осрашыу бик ныҡ оҡшаны.

Тактиль китаптар конкурсы еңеүселәрен бүләкләү

Награждение победителей конкурса тактильных книг

Бөгөн, 27 май, "Китап-байрам" йәрминкәһенең бер майҙансығында "Бергәләп уҡыйбыҙ. Балалар өсөн тактиль китаптар" Республика конкурсының еңеүселәрен бүләкләү тантанаһы үтте. Конкурс иң яҡшы тактиль китап яһау практикаһын асыҡлау өсөн ойошторолдо.

Ойоштороусылары: М. Х. Төхвәтшин исемендәге һуҡырҙар өсөн Башҡортостан республика махсус китапханаһы. Партнеры: Башҡортостан республика мәҙәниәт министрлығы.
Конкурста 15 район һәм ҡалаларҙан 45 кеше 36 ижади эш тәҡдим итте. Жюри өс еңеүсене билдәләне:
1 урын - Сальников А. А., Маркина Р. Х. (Өфө ҡ.);
2 урын - Решетицкая Т. В. (Стәрлетамаҡ районы);
3 урын - Войтенко К. В. (Өфө ҡ.);

Шулай уҡ, махсус призға 6 лауреат лайыҡ булды:
- Бакирова З. А. (Учалы районы);
- Гайнцева Е. Г. (Бөрө районы);
- Лысенкова И. А., Степанова К. И. (Бәләбәй районы);
- Мәләүез Үҙәк китапхана системаһының хеҙмәтләндереү бүлеге;
- Сәғитова М. А. (Учалы районы);
- Шәрәфетдинова С. З. (Шишмә районы).

Еңеүселәр һәм лауреаттар ҡиммәтле бүләктәр алды.
Айгөл Әминева, махсус китапхана директоры:
"Мин, башҡорт еренең ябай кешеһе булараҡ, ысын күңелдән мөмкинлектәре сикләнгән балалар, уларҙың ата-әсәләре, китапханасылар һәм белгестәр ошо конкурста ҡатнашҡаны, көс һалғаны өсөн шатмын. Балалар тарафынан башҡарылған тактиль китаптар беҙгә килеп тора. Кемдер үҙе килтерә, кемдер ташыу хеҙмәте аша тапшыра, кемдер почта аша ебәрә. Был әүҙемлектә мин һәр ҡатнашыусының тулы тормош менән йәшәргә теләген күрҙем. Бөгөн беҙ еңеүселәрҙе бүләкләнек һәм был ысынлап та лайыҡлы бүләкләү. Артабан да бындай конкурстарҙа әүҙем ҡатнашырһығыҙ тип ышанам.

Тура трансляция Бәйләнештә Прямая трансляция ВКонтакте
Фото Бәйләнештә Фото ВКонтакте

Халыҡ-ара йәрминкә эшен башлай

Международная ярмарка начинает свою работу

Бөгөн, 26 май, "Китап-байрам" йәрминкәһе эшен башлай. Был әҙәбиәт донъяһында киң күләмле сара. Ул авторҙарға, нәшриәттәргә, китап магазиндарына һәм уҡыусыларға тәжрибә менән уртаҡлашырға, китап таратыуҙың яңы мөмкинселектәрен табырға ярҙам итә.
Махсус китапхана павильонында тактиль китаптар конкурсы ҡатнашыусыларының китаптары ҡуйылды, Брайль шрифын өйрәнеү буйынса мастер-класс ойошторолдо.

Беҙҙең павильонға беренсе булып 3 йәшлек малай һәм уның атаһы килде. Тактиль китаптар буйынса йәһәт кенә әкиәтте һөйләп тә бирҙе.
Беҙ үҙ эшебеҙҙе башлайбыҙ һәм китап менән ҡыҙыҡһынған бөтә кешеләрҙе лә көтөп ҡалабыҙ.
Йәрминкәгә килеүселәрҙе яңы китаптар, билдәле әҙиптәр менән осрашыу көтә.

Махсус китапхана "Китап-байрам" халыҡ-ара китап йәрминкәһендә

Библиотека для слепых на Международной книжной ярмарке «Китап-байрам»

https://brsbs.ru/sites/default/files/styles/thumbnail/public/news/images/img_8062.jpg?itok=6_wj0nqx

26 майҙан 28 майға тиклем Өфөлә беренсе тапҡыр халыҡ-ара "Китап-байрам" йәрминкәһе үтәсәк. Ҡатнашырға саҡырабыҙ!
Махсус китапхананың интерактив майҙанына саҡырабыҙ. Йәрминкәнең бөтә көндәрендә лә 10 алып 22 сәғәткә тиклем көтөп ҡалабыҙ.

26 май/йома
Китапханасылар тактиль китап күргәҙмәһе менән таныштырасаҡ.
Брайль шрифын өйрәнеү буйынса мастер-класта, бар теләүселәрҙе билдәле алты нөктәле шрифт менән таныштырасаҡ. Шулай уҡ, майҙанда ҡунаҡтар термомейес ярҙамында ҡабарынҡы график рәсемдәр яһауҙы күрә ала. Ошонда уҡ һуҡырҙар өсөн баҫтырылған китаптарҙы күрергә мөмкин.

27 май/шәмбе
"Библиотөн - 2023" Бөтә Рәсәй акцияһы сиктәрендә, махсус китапхана саралар серияһын тәҡдим итә.
Иң кескәй уҡыусылары өсөн тактиль китаптар яһау мастер-класы үтәсәк. Айырым майҙанда "Бергәләп уҡыйбыҙ! Балаларға тактиль китап" республика конкурсының еңеүселәрен бүләкләү тантанаһы буласаҡ. Конкурс иң яҡшы тактиль китап яһау практикаһын асыҡлау өсөн ойошторолдо. Тантана Бәйләнештә социаль селтәрендә онлайн барасаҡ.
Библиотөндөң бөтә ҡунаҡтарын да китап күргәҙмәләре, экскурсиялар, яҙыусылар, билдәле шәхестәр, мәҙәниәт эшмәкәрҙәре менән осрашыу көтә.
Шулай уҡ, фестиваль сиктәрендә, конкурстар, шәфҡәтлелек акциялары, һирәк китаптар күргәҙмәһе буласаҡ.

28 май/йәкшәмбе
11:00 - "Һуҡырҙарға ситуацион ярҙам күрһәтеү" мастер-класы.
Спикерҙар: Юрий Панчишин - дефектолог, тифлопедагог, Рәсәй дефектологтар союзы ағзаһы; Руслан Шәйхуллин - ғаилә, хеҙмәт һәм халыҡты социаль яҡлау министрлығының йәмғиәт советы ағзаһы, Бөтә Рәсәй һуҡырҙар ойошмаһы ағзаһы; Роберт Ғилманшин - эксперт-инспектор.
Көн дауамында китапханасылар тактиль китаптар күргәҙмәһе менән таныштырасаҡ. Ошонда уҡ "Башҡортостан" киностудияһы тарафынан сығарылған мультипликацион фильмдар ҡарарға мөмкин.

Страницы