Конкурс еңеүселәре билдәләнде

Бөгөн, 2 ноябрҙә, инвалид балалар араһында «Мин йәнә Пушкинды уҡыйым»республика ижади конкурсына йомғаҡ яһау буйынса комиссия ултырышы үтте.
Конкурста 100 бала ҡатнашты, республиканың 36 район һәм ҡалаһынан 91 ижади эш тәҡдим ителде.
Конкурс комиссияһы Конкурс сиктәрендә тәҡдим ителгән эштәрҙе баһаланы һәм өс номинацияла еңеүселәрҙе билдәләне. Тейешле номинацияларҙа иң күп балл йыйған эштәр еңеүсе булды.
Конкурс һөҙөмтәләре 2024 йылдың 15 ноябрендә үтәсәк еңеүселәрҙе һәм конкурста ҡатнашыусыларҙы бүләкләү тантанаһында иғлан ителәсәк.
Бүләкләү тантанаһын үткәреү урыны һәм ваҡыты тураһында өҫтәмә хәбәр ителәсәк.