Өфөлә "Һөйләүсе ҡала" системаһы

Махсус китапханала «Һөйләүсе ҡала» компанияһы, Санкт-Петербург ҡалаһы вәкилдәре менән осрашыу үтте.
"Һөйләүсе ҡала" - ҡала һәм транспорт инфраструктураһының асыҡлығын арттырыусы радиомәғлүмәт һәм тауыш йүнәлеше системаһы. Уның ярҙамында ҡала мөхитендә үҙ аллы йөрөй ала: һуҡырҙар һәм насар күреүселәр, терәк-хәрәкәт аппараты боҙолған кешеләр, шул иҫәптән коляскала ултырған инвалидтар; оло йәштәгеләр, халыҡтың башҡа аҙ хәрәкәтсән төркөмдәре вәкилдәре һәм инватуристар.

Компания вәкиле Алена Болдышева махсус китапхана ҡунаҡтарын радиотрансиверҙарҙан һәм уларға тоташтырылған тауыш маяҡтарынан торған системаның инфраструктура ҡорамалдары менән таныштырҙы. Был ҡорамалдар йәмәғәт транспортында һәм уның туҡталыштарында, ер өҫтө һәм ер аҫты аша үткән ерҙәрҙә, теләһә ниндәй тәғәйенләнештәге биналар эсендә һәм тышында ҡуйыла.
Йәйәүлеләр үтә торған урындарҙа "ТРИОЛЬ" ориентация сигналы менән йәйәүлеләр светофорының йәшел сигналын тауыш менән оҙатыу ҡоролмалары ҡуйыла.
Быйыл март айында Өфөнөң 15 автобусы Р 59431-2021 «Күреү буйынса инвалидтар һәм башҡа аҙ мобиль граждандар өсөн радиомәғлүмәт һәм тауыш йүнәлеше системаһы» «Һөйләүсе ҡала» системаһы менән йыһазландырылған. Һүҙ «Башавтотранс» МУП тормошҡа ашырған эксперимент хаҡында бара, ул аҙ хәрәкәтсән пассажирҙар проблемалары менән етди шөғөлләнде һәм хәҙер иң һөҙөмтәле варианттар эҙләй.
Өфөнөң һуҡыр һәм насар күргән кешеләре файҙаланған 110 маршруттан башларға ҡарар ителде. Әлбиттә, йыһазландырылған йәмәғәт транспорты борттары системабыҙҙың иң яңы ҡорамалдарын аласаҡ, ул абонент ҡоролмалары менән генә түгел, смартфондар менән дә үҙ-ара эш итеүҙе хуплай.
Йомғаҡлауҙа компания вәкилдәре тәҡдим ителгән ҡорамалдар буйынса тыңлаусыларҙың һорауҙарына яуап бирҙе.